நோ மணி நோ அனி

மணி:நோ மணி நோ அனி..நோ அனி நோ மணி டா...

அப்பு:என்னடா சம்பந்தமே இல்லாம என்னனமோ பாடுற..

மணி:சம்பந்தம் இருக்குடா..மணி னா நான்.அனி னா அனிதா.இப்போ புரிதா.மணி இல்லையேல் அணித இல்லை.அணித இல்லையேல் மணி இல்லை.எப்புடி...?

அப்பு:அருமை(கொடுமை)

மணி:ஹஹஹஹா..தேங்க்ஸ்.சரி,அவ வரலான்னு பாரு.

அப்பு:என்ன அவசரம்,அவ வரத்தான் இன்னும் 15 நிமிஷம் இருக்குள்ள.

மணி:இருக்குதான்.இருந்தாலும் மனசு பட படங்குது.நேத்து லவ் லட்டர் கொடுத்ததுல இருந்து கையும் ஒடலை,காலும் ஒடலை.

அப்பு:எனக்கு கூட வண்டியும் ஓடலை,வாட்ச்சும் ஓடலை.

மணி:ரெண்டுமே டப்பா தான்.ஓடுனா என்ன ஓடாட்டி என்ன..

அப்பு:ஒய்,என்ன நக்கலா...என் வண்டி,வாட்ச்  விட உன் கை,கால் பெருசா?

மணி:ஆமா,கால் இல்லன்னா வண்டி ஓட்ட முடியாது.கை இல்லைன்னா வாட்ச் கட்ட முடியாது.

அப்பு:ஒத்துகிறேன்.என்னைவிட நீ 10 மார்க் ஜாஸ்தியா வாங்குறேன்னு ஒத்துக்கிறேன்.

மணி:அது...

அப்பு:ஆனா அதுக்குன்னு நீ வாங்குறதே 15 மார்க் தான் என்பதை மறந்துடாத.

மணி:அஹ,சரிடா சரிடா..இப்போ அது ரொம்ப முக்கியமா.அவ வரளான்னு  பாருடான்னா  அதவிட்டுட்டு வெட்டிபேச்சு பேசிகிட்டு இருக்க.

அப்பு:நான் வெட்டிபேச்சு பேசுறேன்னா.மளிகை கடைக்கு போய்கிட்டு இருந்தவனை மடக்கி இங்க கூட்டிட்டு வந்து இப்போ வெட்டிபேச்சு பேசுறேன்னு அசிங்கபடுத்துரியா.நீயாச்சு,உன் காதலாச்சு போடா..

மணி:டேய்..டேய்..சும்மா பிகு பண்ணாதடா.என்னத்த வாங்குறதுக்கு மளிகை கடை போன சொல்லு?

அப்பு:பனங்கள்ளு.

மணி:ஹஹஹா..அத வாங்கவா போன.பணங்கள்ள வச்சு பங்களாவா கட்டபோற..

அப்பு:அஹ இவுரு மட்டும் காதலிச்சு காதல் கோட்டை கட்டபோராறு பாரு...

மணி:காதல் கோட்டை என்னடா.என் அனிதாக்காக தாஜ் மகாலே கட்டுவேன்.

அப்பு:முதல செமஸ்டர் பீஸ்ஸ  கட்டுடா..

மணி:ஏன் நீ கட்டுனா என்னவாம்.உனக்காக நான் ஸ்கூல்ல எத்தன வாட்டி உங்கப்பா கையெழுத்து போட்டு காப்பாத்தி இருக்கேன்.


அப்பு:எங்கப்பன் கையெழுத்து மட்டுமா போட்ட.உங்கப்பன் கையெழுத்தும் தான் போட்ட.என்னமோ எனக்காக மட்டும் போட்டா மாதிரியே பேசுறியே.

மணி:ஏன் நீ வராத டைம்ல உன் கையெழுத்துல கூட உனக்கு ஹோம் வொர்க் பண்ணிகொடுதேன்ல.அதுக்கு எல்லாம் காட்டுற நன்றிக்கடனா டா இது.

அப்பு:நண்பனுக்கு செஞ்சதை சொல்லிகாட்டுறியே...நல்ல நட்புக்கு அழகாடா இது.

மணி:அஹ,அசிங்கபடுத்துரதுக்குனே ஒரு நண்பன் டா.

அப்பு:நீ அசிங்கபட கூடாதுன்னு நினைக்குற நண்பன் டா.

மணி:ஆகா,நீ என் தளபதி டா..

அப்பு:நீ ஒரு தலைவலி டா.

மணி:இப்படியே நக்கலடிச்சிட்டு இரு.ஒரு நாள் இல்லை ஒருநாள் நான் பெரியா ஆளா வரத்தான் போறேன்.நீ பார்க்கத்தான் போற.

அப்பு:நீ பெரிய ஆளா வரயோ இல்லயோ,உன் பிரியமான ஆளு வருது பாரு.

மணி:வழிவிடு வழிவிடு வழிவிடு என் தேவி வருகிறாள்.

அப்பு:வெறும் தேவியா இல்லை பூலான் தேவியான்னு கொஞ்ச நேரத்துல தெரிஞ்சிடும்.

மணி:ஏண்டா இப்படி.நானே பதட்டத்துல என்ன பண்றதுன்னு தெரியாம இருக்கேன்.இவன் வேற.

(அனிதா அருகில் வந்து)

அனிதா:ஹாய்...

மணி,அப்பு:ஹாய்...

அனிதா:ரொம்ப நேரம் வெயிட் பண்ணுறீங்களா?

அப்பு:(ரொம்ப மாசமா வெயிட் பண்றான்..)

மணி:நோ,ஜஸ்ட் 10 மினிட்ஸ் தான் ஆச்சு.

அப்பு:(10 மினிட்ஸ்ஸா..எத்தன 10 மினிட்ஸ் பா)

அனிதா:உங்க டிரஸ் நல்லாருக்கு.

அப்பு:(டிரஸ் மட்டும் தான் நல்லாருக்கும்)

மணி:உங்களுக்கு பிடிச்சிருக்கா?

அப்பு:(பிடிச்சிருந்தா கைட்டி குடுக்கபோறியாக்கும்...)

அனிதா:ரொம்ப..

மணி:தேங்க்ஸ்..

அனிதா:நீங்களே பேசுறீங்க.இவுரு பேசமாட்டாரா?

அப்பு:(பேச விட்டதான்னே..)

மணி:அவனுக்கு கூச்சமுங்க,(அப்பு:எனக்கு கூச்சமா..கூச்சமே இல்லாம பொய் சொல்றான்),என்ன மாதிரி போல்ட்டா பேசமாட்டான்.

அனிதா:ஹிஹிஹி...பிடிச்சிருக்கு.

மணி:உண்மையாதான் சொல்றீங்களா?

அனிதா:ஹ்ம்ம்.ஆமா...எனக்கு பிடிச்சிருக்கு..

அப்பு:(என்னது சனியா?)

அனிதா:லெட்டர்ல இருந்த ஒவ்வொரு வார்த்தையும் பேசிச்சு.

அப்பு:(பேசுச்சா..ரைடிங்க ரெகார்டிங் பண்ணி அனுப்சிட்டானோ)

அனிதா:அதுல எனக்கு ரொம்ப பிடிச்சது மூணு விஷயம்.முதல் ஒன்னு,இதுவரை நாம் தாமரை பூவின்மேல் உள்ள நீராய் இருந்தோம்.இனி தாமரை பூவின் அடி வேராய் இருப்போம்.

அப்பு:(அடி வேரா இருக்குறீங்களோ இல்லையோ.அடி வாங்காமா இருந்த சரிதான்)

மணி:அடுத்தது என்ன?

அனிதா:றெக்கை முளைத்த பறவையை போல காதல் வானில் சிறகடித்து பறப்போம்.

அப்பு:(காஜா ஒயினில் சரக்கடிச்ச நாய் இப்போ காதல் வானில் சிறகடிக்கிதோ..கால கொடுமை டா..)

அனிதா:கடசியா,அன்பென்னும் சொல்லை அடை காக்குவோம்.அதற்க்கு நம்முள் புது உறவொன்றை உண்டாக்குவோம்.

அப்பு:(மேட்டர் தெரிஞ்சா ரெண்டு பேரையும் வெட்டி துண்டாக்கிடுவாங்கடி...)

மணி:ஒவ்வொன்னையும் ஆழமா ரசிச்சிருக்கீங்க.தேங்க்ஸ்.

அனிதா:ஆமா...மனசோட அடி ஆழத்தை தொட்டுடுச்சே..அதான்...

மணி:அதான்....?

அனிதா:அதான்...

மணி:அதான்...என்ன சொல்லுங்க

அனிதா:ஐ லவ் யு அப்பு....

மணி:என்னது அப்புவா....

அப்பு:நான்னா..(இது என்னடா குழப்பம்)எங்க அந்த லெட்டர காமி..என் கனவுலகில் பவனி வரும்..க....நு..நா..பு......ம....................இப்படிக்கு அப்பு....

அனிதா:ஆமா,லவ் லெட்டர் எழுதுனது நீங்கதான...இப்போ ஒன்னும் தெரியாத மாதிரி நடிக்கிறீங்க.ஹிஹிஹி,,இந்த கூச்சம் தான் எனக்கு பிடிச்சிருக்குன்னு சொன்னேன்.நீங்க பேசாதபோதும் உங்க லெட்டர் பேசிடிச்சு.ஐ லவ் யு அப்பு.

அப்பு:டேய் மணி...உண்மையிலையே நீதாண்டா என் தளபதி.அப்போபோட்ட கையெழுத்து எல்லாம் ஜுஜூபி டா.இப்போ போட்டா பாரு ஒரு கையெழுத்து,இது ஜிலேபி டா...கலக்கிட்ட மணி.

மணி:டேய்...

அனிதா:அப்பு,நம்ம காதல்ல எத்தன பிரச்சனை வந்தாலும்,கடைசி வரைக்கும் என்கூடவே இருப்பீங்கல்ல...

அப்பு:கவலையே படாத அனி..

மணி:அண்ணியா?

அப்பு:அண்ணி இல்லடா.அனி.அதாவது அனிதா என்பதை தான் அனின்னு செல்லமா சொன்னேன்டா..அனி டார்லிங்,நீ கவலைபடாதே..எத்தன பேர் வந்தாலும் சரி,எத்தன பிரச்சனை பண்ணலும் சரி..நாம ஒன்னாதான் இருப்போம்.அதையும் மீறி எதுவாச்சும் சிக்கல் னா,இருக்கவே இருக்கான் உன் அண்ணன்.

அனிதா:என் அண்ணன்னா,அது யாரு?

அப்பு:என்னப்பா..இப்படி கேட்டுட்டா..தோ நம்ம மணி தான்.நம்ம ரிஜிஸ்டர்  மேரேஜுக்கு கையெழுத்து போட போறதே நம்ம மணிதான்.

அனிதா:ரொம்ப சந்தோசம்.தேங்க்ஸ் மணின்னா...நீங்கதான் எங்களையும் எங்க காதலையும் வாழ வைக்கணும்.

ஆப்பு:வாழ வைக்கும் காதலுக்கு ஜெ..அந்த காதலையும் வாழ வைக்கும் மணிக்கு ஜெ..நண்பேண்டா...நோ மணி நோ அனி..நோ மணி நோ அனி  டா...

மணி:டேய் அப்பு..வச்சுட்டியேடா ஆப்பு...