நாட்டாமை நாக்-அவுட்

நாட்டாமை:எல்லாரும் இங்க எதுக்கு கூடி இருக்கீங்கன்னு தெரியுமா?

காத்தமுத்து:தெரியாது சாமி.ஊருல கரண்ட் இல்லை.அதான் வேக்காடா இருக்கேன்னு இங்க வந்தோம் சாமி.சட்டு புட்டுன்னு ஆரம்பீங்க.பொழுது போகணும்.

நாட்டாமை:நம்ம பொன்ராசு பெத்த சின்ராசு...நம்ம ராக்காயி பெத்த மூக்காயிய தூக்கிட்டு போய்

மக்கள்:தூக்கிட்டு போய்...

நாட்டாமை:தூக்கிட்டு போய் குளத்துல போட்டான்.

மக்கள்:அவ்வளவு தானா...

வெள்ளைச்சாமி:அடச்சா...இதுக்கா கூட்டத்தை கூட்டுனீங்க...குளத்துல தானே போட்டான்.கெடுத்தா போட்டான்...இதுல என்ன தப்பு?

நாட்டாமை:என்ரா சொல்லிபோட்ட நீயு.தூங்குறதுக்கு தரையும்,தூக்குறதுக்கு முறையும் முக்கியம் டா.

காத்தமுத்து:அவனுக்கும் முறை இருக்கிறதாலதான் அவன் முறை மாமன் யா.

நாட்டாமை:என்னது அவன் முறை மாமன் னா...(ஆகா முறை தெரியாம முறைசிட்டோமே)..அப்படியே முறை இருந்தாலும் பண்பாடு வேண்டாம்.இப்படிதான் போன வாரம்,வீட்டுல பங்காளிகளோட ஆட்டம் போட்டு இருக்கான்.வயசுக்கு வந்த தங்கச்சிய வீட்டுல வச்சுக்கிட்டு இப்படியா ஆட்டம் போடுறது.

சின்ராசு:அதான் அவளை வெளிய அனுப்பிட்டு ஆட்டம் போடலாம்னு சொன்னேன்.பயலுக கேக்கலை.

நாட்டாமை:அவங்க சொன்னாங்கன்னா உனக்கு எங்கட போச்சி புத்தி?

அம்சமணி:இருந்தா தானே போறதுக்கு..அதான் இல்லையே...

நாட்டாமை:யார்ரா அது?

அம்சமணி:நாந்தாணுக அம்சமணி...சின்ராசு பங்காளிங்க.

நாட்டாமை:ஒ,நீதானா அது.உன்கூட சேர்ந்த பிறவுதான் இவன் கெட்டு போய்ட்டான்.

ராசப்பா:இல்லன்னா மட்டும் கலெக்டர் ஆகிட்டு போயிருப்பாரு...

நாட்டாமை:யார்ரா அவன் குறுக்குல பேசுறது?

ராசப்பா:யார அது...ஐயா கேக்குராருல..யாரது...ஐயா,எவனோ பொசகெட்ட பையன் பொசுக்குன்னு பேசிபுட்டான்.நீங்க பேசுங்கையா..

நாட்டாமை:பாதிக்க பட்ட ராக்காயி பெத்த மூக்காயிக்கு என்ன பண்ணலாம்னு சொல்றீங்க?

காத்தமுத்து:வேறென்ன.எவன் தொட்டு தூக்குனானோ அவனே அவளை கல்யாணம் பண்ணிக்க வேண்டிதான்.

நாட்டாமை:என்னது கல்யாணமா...செல்லாது செல்லாது..

காத்தமுத்து:ஏன் செல்லாது..உங்களுக்கா கல்யாணம் பண்ண போறோம்.அவன் முறை பொண்ணுக்கு அவனோட கல்யாணம் பண்ண போறோம்.இதுல என்ன?

நாட்டமை:(அப்போ என் நிலைமை)என்றா இது.அப்போ ஒரு பொண்ணை மடக்குறதுக்கு ..ச்சா..மணக்குறதுக்கு அவளை தூக்கிட்டா மட்டும் போதுமா

வெள்ளைச்சாமி:ஏன் அவ ஆத்தாகாரியவும் தூக்கனுமா?

நாட்டாமை:மூட்ரா வாயா.நம்ம மன்னுக்குன்னு ஒரு கட்டுப்பாடு இருக்கு.

காத்தமுத்து:அப்போ நமக்கு ஒன்னும் இல்லிங்கலாயா?

நாட்டாமை:நான் அப்படி சொல்லலையாக்கும்.நம்ம ஊரு வழக்கப்படி பொண்ணுக்கு விருப்பமில்லாதவன கட்டிக்க சொல்லகூடாது.மீறி சொன்னா,அந்த கல்யாணம் செல்லாது.என்னய்யா சொல்றீங்க?

நாச்சியப்பா:ஆமா,ஆமா..செல்லாது..செல்லாது..

அம்சமணி:பிடிச்சா ஆசிர்வாதம் பண்றானுக இல்லைன்னா வாக்குவாதம் பண்றானுக.இப்படியே விதண்டாவாதம் பண்ணிக்கிட்டு இருந்தா பக்காவாதம் வந்து பரலோகம் தான் போய் சேருவீங்க.

 சின்ராசு:சரியாய் சொன்ன அம்சா.ஆமா,என்கிட்டே அப்படி என்ன குறைய கண்டுடீங்கன்னு இப்படி குத்தம் சொல்லிக்கிட்டு இருக்கீங்க?

நாட்டாமை:என்னடா பண்ணலை.கரும்பு தோட்டத்துல கண்ணம்மா கூட கபடி விளையாடுன விஷயம் எனக்கு தெரியாதுன்னு நினைச்சியா...

ராக்காயி:மாமா....நான் இருக்கும்போது கண்டவ கூட என்ன விளையாட்டு வேண்டி கிடக்கு...

சின்ராசு:அட இரு புள்ள.ஆமா,நான் விளையாடுனதா உங்களுக்கு யாரு சொன்னாக?

நாட்டாமை:நம்ம மொக்கசாமி மவன் சின்னசாமி தான்

சின்ராசு:இந்த சின்னபையன் பேச்சை எப்படி நம்புறது?

நாட்டாமை:குழந்தையும் தெய்வமும் ஒண்ணுல.எப்பவும் பொய் சொல்லாது.எலேய் சின்னசாமி,கரும்புதொட்டதுல கண்ணம்மா கூட கபடி விளையாடினது யாருல?

சின்னசாமி:சின்ராசு அண்ணன்தான்.

சின்ராசு:கரும்புதோட்டதுல கண்ணம்மா கூட கபடி விளையாடினது நாந்தான்னு உனக்கு யாருல சொன்ன?

சின்னசாமி:நம்ம நாட்டாமை கூட பக்கத்துக்கு தோப்புல பல்லாங்குழி ஆடுன பவளக்கொடி அக்கா தான் சொல்லுச்சி.

 நாட்டாமை:என்னது நான்னா...சின்ன பையன் ஏதோ பொய் சொல்றான்.நம்பாதீங்கள.

சின்ராசு:நாட்டாமை..சின்னபையன் பொய் சொல்லமாட்டான்.ஏன்னா,குழந்தையும் தெய்வமும்   ஒன்னு.

நாட்டாமை:அப்போ நான் பொய் சொல்றேன்னு சொல்றியா..என்ரா பேசுற...நான் யாருன்னு தெரியும்ல.இந்த ஊருல எனக்குன்னு ஒரு பேரு இருக்கு...மருவாதி இருக்கு..கெளரவம் இருக்கு..

கணக்கு:ஐயா,உங்களுக்கு இத்தன இருக்கா.இத்தனை நாளா உங்ககூடவே இருக்கேன்.இதுலாம் சொல்லவே இல்லையேயா.

நாட்டாமை:கணக்கு..

கணக்கு:ஐயா?

நாட்டாமை:அமுக்கு..

கணக்கு:சரிங்கையா...

நாட்டாமை:அஹ,அப்புறம் எதுல வுட்டேன்?

ராசப்பா:கணக்க அமுக்குறதுல வுட்டீங்க..

நாட்டாமை:எவண்டா அது?

ராசப்பா:ஐயா கேக்குறாருல..யாரா அது...குறுக்கால குறுக்கால பேசுறது..இன்னொருக்கா பேசுனீங்க..வெட்டிபுடுவேன் வெட்டி..சாக்கிரதை...சாமி,நீங்க பேசுங்க.

நாட்டாமை:இப்போ முடிவா என்னதான் சொல்றீங்க?

காத்தமுத்து:ரெண்டு பேருக்கும் முடிச்சு போட்டறலாம்னு சொல்றோம்.அதுவும் நீங்கதான் செய்யணும்.

நாட்டாமை:மானம் உள்ளவன் எவனும் இதை செய்ய மாட்டான்.

ராசப்பா:அப்போ,நீங்க செய்யலாம்.பிரச்சனை இல்லை.

நாட்டாமை:யார்ரா அது...நான் மானம் உள்ளவன் டா.

காத்தமுத்து:அதான் பல்லாங்குழில விழுந்துடிச்சே.

நாட்டாமை:என்னையாடா ஏசுறீங்க.இப்போ சொல்றேண்டா தீர்ப்பு.இந்த சின்ராச ஊர விட்டு தள்ளி வைக்குறேன்.ராக்காயிக்கு நல்ல மாப்பிள்ளையா பார்த்து கட்டி வைக்கிறேன்.

சின்ராசு:நாட்டாமை....தீர்ப்ப மாத்தி சொல்லு..

நாட்டாமை:முடியாதுன்னு சொன்னா?

அம்சமணி:நாட்டாமைய மாத்த சொல்லுவோம்.

நாட்டாமை:(அஹ,பயலுக பதவிலையே குறியா இருக்கானுவ)சரி, ஊருக்கு கட்டுப்பட்டு தீர்ப்ப மாத்துறேன்.

ராசப்பா:ஊருக்கு கட்டுபடலைன்னா ஊறுகா போற்றுவாங்கடியோவ்...

நாட்டாமை:உங்க எல்லார் ஆசையோடும்,என் ஆசியோடும் சின்ராசு,ராக்காயிக்கு கல்யாணத்தை நடத்துறோம்.இதான் தீர்ப்பு.

ராசப்பா:இதாண்டா தீர்ப்பு..

நாட்டாமை:யார்ரா அது...தோ இர்ரா வரேன்...

ராசப்பா:ஹே கரண்ட் வந்துடிச்சி..கரண்ட் வந்துடிச்சி..எல்லாரும் கிளம்பு கிளம்பு...ஐயா கிளம்புற நேரம் கரண்ட் வந்துடிச்சி..இது தெரிஞ்சிருந்த ஐயாவ எப்பவோ கிளப்பி இருப்போமே.சரி,சரி..எல்லாம் கிளம்பு கிளம்பு.பொழுது போகுது,பொழப்ப பாரு..பொழப்ப பாரு..அடுத்த பஞ்சாயத்துல பார்ப்போம்..கிளம்பு கிளம்பு..